陳敏之早前與郭羨妮和林峯等到肯雅拍攝新劇外景，大隊被安排品嘗百獸宴，包括鴕鳥、羚羊、斑馬、野豬和鱷魚等。陳敏之笑言有次被四腳蛇嚇到悽厲大叫，被誤會遭土人強姦。
陳敏之、郭羨妮和林峯早前到非洲肯雅拍攝無綫劇集《天涯俠醫》外景，大家都是首次到肯雅，不用開工時，他們即四出觀光和購物。陳敏之日前返港後表示，此行令她留下深刻印象。
問陳敏之有甚麼難忘的經歷？她說：「最得意係有機會食咗一餐百獸宴，非洲有乜講得出嘅動物都有得食，好似鴕鳥、羚羊、斑馬、野豬同鱷魚，大部份都係燒烤。」陳敏之本來不敢食，但抱着人一世物一世，甚麼都要試吓的想法，便硬着頭皮試吃烤斑馬和羚羊肉，她說：「斑馬肉嘅味道好似牛肉咁，而羚羊肉就比較羶。」
陳敏之表示肯雅有很多四腳蛇，她說：「我哋住嗰度好多四腳蛇出沒，試過有一次我喺間房打開個化妝袋攞嘢，發現有一條四腳蛇喺裏面，我即刻大聲嗌，聲音重好悽厲，搞到全間酒店都聽到咁滯，唔知情嘅人差啲以為我俾土人強姦㖭，幾搞笑！」
在《天》劇中扮演重病病人的陳敏之，跟扮演醫生的林峯有一段情，而飾演護士的唐寧則會介入他們的戀情。陳敏之笑言：「因為好多場戲都要講我瞓覺，所以有時拍拍吓都真係好攰，差啲瞓着覺。」
此外，陳敏之在肯雅逗留了超過半個月，故十分掛念家人和朋友，她說：「我勁掛住屋企人，重有好姊妹阿Rain（李彩樺），我趁住唔使開工，買咗啲當地嘅木製飾物畀佢。」
採訪：比華利
