徐子淇最近跟友人合資開時裝店，已着手籌備，雖然暫未有錢賺，可是子淇在籌備過程中把學習到的一切寶貴經驗，已當是賺了的「酬勞」，而剛修畢經濟系課程的子淇，在香港放完暑假後，便返回英國繼續碩士課程。
徐子淇最近從英國畢業回港，隨即投入演藝工作，以賺取明年碩士課程的學費，子淇更斥資十多萬元，跟友人合股開設時裝店，大賣二手靚衫。問到子淇的賺錢目標時，她表示雖然尚未有錢落袋，可是已覺得整個學習過程是一個無價的收穫。
章小蕙（Teresa）幾年前已開始賣二手名牌衫，可說是鼻祖，問子淇可會以Teresa的成績作為學習目標？她日前說：「我都知道佢同徐濠縈好叻賣二手衫，但都冇話要學邊個，我只希望可以透過籌備過程學多啲嘢，就算將來冇錢賺，但我覺得嗰啲經驗都係賺咗。」
子淇認為以前行騷做模特兒和拍戲都是賺急錢的途徑，可是籌備賣二手衫後，才知做生意要付出很多才可以有收穫。
子淇近日陸續從友人和藝人手上收到一批批的名牌衣服，然後加以清洗和定價，準備下月在酒店展銷，她說：「原本係打算喺酒店租場賣兩日，但因為場租都唔平，所以可能會改喺時裝舖裏邊行吓騷，然後就開始做生意。」子淇忽然投資做生意，她表示主要是想把從大學中修讀經濟學系中學到的知識，學以致用。
採訪：比華利 攝影：仇志中
服裝：PacinoWan
