吳日言日前到沙灘曬太陽，皮膚雪白的她十分喜歡陽光與海灘，但卻不敢游水，因為她擔心其駁髮會被泳客誤以為是黑色的水母。
日前吳日言主動要求助手安排她到沙灘拍照，因為她已有一年多沒有去過沙灘，她失望地說：「因為我之前曬得太過黑，公司個個人都覺得我曬黑唔係咁好睇，所以佢哋叫我唔好再曬囉！」
吳日言一番苦纏下，終於得償所願到大浪灣享受陽光，她一到達沙灘便即跑到岸邊玩水。吳日言透露以往的夏天必定會相約一大班朋友到沙灘。
吳日言說：「我每次一定會帶埋我隻狗仔去，我記得有一次我啲朋友重用沙堆埋佢，得番個頭，搞到我一返屋企要即刻幫佢沖涼。」
另外，吳日言又自言除了公司不主張她曬黑之外，原來她那個冬菇頭亦是她下水的障礙之一，她笑說：「因為我有好多都係駁髮，所以游水就唔係咁方便，同埋我怕落咗水之後，啲人遠睇會以為有隻黑水母浮浮吓！」
吳日言表示最近忙於與容祖兒拍攝電影《神經俠侶》，與祖兒合作得相當愉快，她笑說：「我唔使埋位嗰陣，都會成日同祖兒傾偈，有時我重會問佢一啲IQ題，不過祖兒有時會選擇放棄唔答，並唔係因為佢唔識答，只不過係我問啲問題太過白癡，所以佢都冇我咁好氣。」
採訪：李珮洳
攝影：陳慧安
髮型：EdmondLeungofTete
