Kelly遭女Fans偷吻心肝跳

陳慧琳（Kelly）早前到清遠出席當地電視台的大型晚會，歌迷見到偶像出現十分興奮，並齊齊站立起來又唱又跳，氣氛熱鬧。

「女歌迷冇所謂」
大會為保Kelly安全，特別安排了約五百名公安護駕，伊人甫出現，台下歌迷即不停歡呼。演唱期間有歌迷上台獻花，其中一位女歌迷攬着Kelly的腰，並挨着她的肩膊一起唱歌，然後還偷吻了Kelly的臉頰，把Kelly嚇了一跳，全場立即起哄。
Kelly說：「真係冇諗到佢哋咁熱情，係女歌迷就冇所謂，但我啲男歌迷都好自律，通常只會要求握手同影相，若有其他要求嘅話，經理人會立即叫工作人員阻止，所以都唔使太擔心。」
現場歌迷大部份要求Kelly獻唱《嫁妝》，可惜當晚她沒有準備，未能演繹該曲，算是美中不足。