估唔到哈利波特人仔細細咁厲害，竟然可以打贏「多啦A夢」（即「叮噹」）、「老夫子」、「孫悟空」呢啲喺香港家喻戶曉嘅人物。由教育統籌局、香港教育城、香港小童群益會舉辦嘅「閱讀暑假天2004」噚日正式開始，重公布咗舊年「我的閱讀約章」計劃嘅結果，萬幾個小學生承諾喺暑期睇嘅書入面，最受歡迎嘅係《哈利波特》，跟住《多啦A夢》、《十萬個為什麼》、《老夫子》、《西遊記》、《白雪公主》同《灰姑娘》等。
最受歡迎嘅二十本圖書入面，西方經典童話差唔多佔一半，本地漫畫及中國經典文學並列第二，本地經典武俠小說則佔第三位。此外，香港教育城重會推出網上節目，由社會知名人士好似語常會主席田北辰、教籌局常任秘書長羅范椒芬等演繹中、英民間故事。
（圖）「閱讀暑假天2004」噚日正式開始，重公布咗舊年「我的閱讀約章」計劃嘅結果，原來小學生最鍾意睇《哈利波特》。
傳真︰2623-9278
電郵︰