呢輪國內名牌大學好似北大同清華都來港招生，李嘉誠間汕頭大學都唔執輸，佢哋間藝術及設計學院今年九月首次接受香港居民申請入學讀學士課程，有兩個專業可以畀香港學生選擇，一個係平面設計，一個係環境及空間設計，啲師資全部都係中外大師級人馬，非常猛料。如果各位家長同學生有興趣，呢個星期六下晝兩點四十五分，學院院長靳埭強會喺香港藝術中心壽臣劇院開免費講座，解答問題同派資料。
另外，由英國外交部主辦，英國文化協會管理嘅志奮領留英獎學金分別由九六及九八年開始受埋香港同澳門申請，一共有二百幾位港澳同學因此去咗英國深造，啲同學後嚟成立咗一個類似校友會嘅學者會，啱啱選出第五屆理事，新會長周致聰係九華舊生，副會長魏綺珊係無綫新聞之花，另外，大律師潘熙做財務秘書，都算人才多多，有興趣申請可以到
（圖）靳埭強院長呢個星期六會喺藝術中心介紹有關課程。
傳真︰2623-9278
電郵︰