郭晉安新劇扮演一代慈善伶王新馬師曾（祥哥），昨日他以祥哥的媽姐造型亮相，十分嚇人，他揚言不會扮到十足十。而胡杏兒則飾演「媽打」鄧碧雲，扮相嬌俏可人。
無綫劇集《同撈同煲》昨日在將軍澳廣播城試造型，劇中演員郭晉安、馬國明、江芷妮、胡杏兒和黃泆潼等均以獨特造型亮相。
郭晉安在新劇造型百變，其中一個是慈善伶王新馬師曾以往經常扮演的媽姐角色。郭晉安說：「套劇係講六十年代，好似當年排隊攞水、貪污成風嘅香港歷史，以一個輕鬆搞笑手法拍攝，反映當時嘅社會，幾有意義。我喺套劇入面扮演祥哥，我已經睇咗佢成十五、六套戲，不過我唔會做一個完全嘅祥哥，我要做一個比新馬師曾更新嘅祥哥，係一個二○○四年嘅特別人物。」
在新劇中馬國明會扮演搞笑能手鄧寄塵，胡杏兒則扮演「媽打」鄧碧雲，她認為鄧碧雲是萬能旦后，但以外形而言，最神似的要數扮演狄娜的黃泆潼。
黃泆潼直認監製睇中她擁有狄娜一樣的驕人身段，她說：「我知道要做呢個角色，就即刻去買佢啲戲嘅影碟，好似《七擒七縱七色狼》、《大軍閥》等等。」
問黃泆潼會否有性感演出？她說：「電視尺度應該唔會，我睇佢啲片會喺公園坐坐吓無端端要俾隻狗咬走條裙。不過，着三點式、拍出浴鏡頭都冇所謂。」
採訪：楊潔雯 攝影：林德雄
