郭富城及陳奕迅（Eason）等昨日出席「香港國際影視展2004」宣傳新戲《重案黐孖Gun》，在記者會開始初段，Eason及城城均以國語發言，但其後Eason竟無端端改用英文。
不過最搞笑的地方是城城為了搶鏡頭，竟然一手搶去Eason的咪，坐在兩人中間的導演林超賢也不知如何是好。Eason見城城搶鏡成功，即忍不住寸城城說：「我個pat咁多肉，Aaron成日搞我個pat，重有導演對我個屎忽好有興趣，又妒忌我多肉，所以佢最後安排咗一場我個pat中彈戲畀我。」
此外，由孔慶翔及薛家燕主演的新戲《我阿媽發仔瘟》，將於八月開拍，監製楊盼盼昨日說：「WilliamHung（孔慶翔）嘅片酬好高，有七位數字，重會有全球分紅，William更會唱埋電影主題曲。」而薛家燕透露早已經認識孔慶翔的父親，她說：「我識佢老竇，但係唔知William係佢個仔，我就覺得William個人好單純。」
採訪：陳月萍 攝影：何國豪