九月立法會選舉，功能組別一樣爭得好激烈，噚日傳出現任建築界別議員劉炳章，會有多達五位挑戰者，包括民主黨吳永輝、公民起動陳耀輝、退休港大建築系教授劉秀成、一位姓陳嘅測量師同一位叫RogerNissam嘅外籍人士。會計界則可能有四位，包括獨立民主派譚香文、會計師公會副會長陳茂波同周光暉等人。
有親中議員透露，中聯辦不但要力保功能組別不失，重想可以從民主派手上搶多一兩席，有中方政壇耳語謂，若親中陣營選舉結果唔理想，中聯辦可能會有人要孭鑊被調走，唔怪得中聯辦咁落力參與呢次選戰。
最近中方因7.1開始降溫，立法會冇咁火爆，林瑞麟仍然自討苦吃，開會遲到被何秀蘭鞭策，重話番人上次都試過唔見講稿要休會，咁就冇乜風度啦。
另外，最近叫「大和解」嘅阿石喺端午節返咗去廣州同阿媽過節，好開心喎。
傳真︰2623-9278
電郵︰