【本報訊】在何文田愛民邨行醫的女西醫關黃浩牧，不滿遭同邨醫生歐陽嘉偉「唱衰」，指她的治療手法不當，遂先後安排病人及私家偵探到歐陽醫生的診所「放蛇」搜集證據，並向醫務委員會投訴。她昨日作供時哭訴感到寃屈，又稱「放蛇」安排是要維護醫生形象。
醫委會繼今年二月底就今次案件召開聆訊後，昨再度進行聆訊。首次作供的投訴人關黃浩牧談及遭中傷時，聲淚俱下地說：「其實呢幾年我一路喺寃屈感覺中度過，有口難言，我唔知同邊個講好……作為一個醫生，話我醫死人，其實已經失去存在價值。我做醫生係想幫人，學以致用，喺工作上攞到滿足感，得到病人嘅信任。我有諗過離開……」
案情透露，關自九七年起在愛民邨執業至今，與八六年開始在該處執業的歐陽嘉偉在同邨行醫。她於九九年六月曾為患有腰背痛的病人劉鈺華診治，處方止痛藥。惟劉及後轉向歐陽醫生求診，被指病情嚴重，經送院後發現大動脈有腫瘤，兩日後死亡。
其後關太因聽到街坊指有人中傷其醫療手法不當，先後安排女病人黎慧明及聘請私家偵探到歐陽的診所「放蛇」，拍下錄音及錄影帶作為證據。
關太解釋：「『放蛇』係想保護自己，一個醫生醫死人，市民會點諗？刑事嚟喎，應該坐監，永久停牌。但原來冇事，重可以執業，咁樣好影響醫生喺病人心目中嘅形象。我想維護醫生嘅形象，想話畀市民聽醫生道德都好高。」
對於案情指關太向「放蛇」女病人提供免費醫療服務，她否認曾作出此承諾，並強調「我覺得黎慧明係好關心我嘅病人，自從佢幫我錄完音，我當佢係好好嘅朋友，好親嘅人。我唔記得幾時開始，冇同佢計診金。我從來冇同佢講過佢幫完我有報酬，係自自然然，佢屋企人求診我都冇收診金。」歐陽醫生作供時則辯稱，對方部份錄音證供與事實不符，其中他沒有詆毀關黃浩牧「畀人停咗職㗎」，也沒有中傷她「想病人睇多幾次」。聆訊未完，稍後排期再審。
