前電訊盈科副主席、青樓名妓張永霖自從唔幫小小超李澤楷打工後，就轉去揮揚企業有限公司做主席，個人低調咗好多，好少出席公眾場合。不過，姣婆守唔到寡名妓又豈甘埋街從良嘅寂寞，張永霖噚日突然間現身港大專業進修學院記者會，原來佢做咗學院董事局主席，重親自宣布學院未來大計。
張永霖話，做主席首要工作，就係同政府傾放寬畀外國學生嚟香港進修，同埋喺國內開設分校，廣納有識之士讀學院嘅課程。但係坐喺張生隔籬嘅港大校長徐立之就即刻補飛，話上大陸開分校係言之過早，只屬初步探討階段。
有人就提醒張永霖做學院董事局主席唔同從商，做事要慢慢嚟，唔好咁好大喜功。
（圖）張永霖（左）一上場就話返大陸開分校，即刻被徐立之（中）糾正，話返大陸開分校係言之過早。
傳真︰2623-9278
電郵︰