梁洛施（Isabella）昨日十六歲生日，她前晚跟母親和唱片公司同事在銅鑼灣唱K慶祝，而為她設計形象的何嘉莉亦有到賀，大家齊齊切蛋糕和開香檳慶祝，玩得十分開心。Isabella昨日又在旺角GreenBox遊樂場開生日會與歌迷慶祝，房外綁了一個大蝴蝶結，讓壽星女到場時拉開絲帶。
Isabella說：「我收到好多生日禮物，有好多公仔，屋企就嚟放唔晒，要搵多啲錢先可以換間新屋，或者遲啲我會捐啲禮物去孤兒院。」
Isabella表示英皇老闆楊受成夫婦送了一束花給她做禮物，而容祖兒生日曾收特別車牌作為禮物，問Isabella可會覺得老闆大細超？她說：「都係心意啫，我都冇駕駛執照。」
此外，有報道指Isabella很冧台灣藝人陳柏霖，她說：「佢哋影到嘅係我拍戲嘅情況，我只當佢係細佬。」
採訪：史丹、卓寶花 攝影：陳偉權
