精明消費：
要靚要衛生牙刷座必有去水位
相信你我都知道，人的牙齒非常重要，所以一定要好好保護，早晚刷牙是最基本的動作。既然牙刷咁幫得手，當然要好好安放，不妨買一個靚靚牙刷座，所費不多又方便美觀。除此之外，重介紹埋實用洗手液器皿，提醒你要經常洗手，注重個人衞生的同時，視覺上也可以得到享受。
記者：羅惠芬
攝影：蔡鴻雯、陳盛臣、林栢鈞
ImageGirl：Tiny（StarAsia）
牙刷座要去積水
牙刷座通常分為吸盤式或座枱式，吸盤式通常可放置一至兩支牙刷，而插座一般以四個插位為主，以配合香港最常見的4人家庭。此外，牙刷座一定不能密封，因為牙刷用完後，會有水積聚，沒有去水位的話，就不能把積水去除，欠缺衞生，購買時要留意！
私人專用
外形的骰的牙刷掛牆插，每格只可以放一支牙刷，名副其實是私家插。使用時將牙刷向外一拉，插門就會自動打開；用完後只需將牙刷向插門推一下，就可以將牙刷掛好，插門更會自動關上。插座選用鍍銀，設計簡約，夠晒Hi-tech！
售價：$20(f)
放牙刷做埋毛巾架
這個吸盤式牙刷插，售價平平哋，除了有靚樣外，重有多一個用途。其左右兩邊除各有一個牙刷插位外，前面的八爪魚鈎，重可以當埋毛巾架，一物兩用。
售價：$28(b)
■嫌鍍銀冷冰冰的話，亦可以選擇七彩繽紛的膠插座，分別有白、橙和綠色任揀，價錢重平啲㖭！
售價：$15(b)
簡潔花造型
這個以花形作為設計圖案的牙刷座，可放四支牙刷，設計雖簡潔，但一樣富心思，配襯冷色系列的浴室用品就最啱！
售價：$80(a)
易拎易插唔怕煩
這個牙刷座的設計相當特別，底座呈新月形，而牙刷插則似一把梳，牙刷要倒轉放，易取易放，相當好用。
售價：$109(b)
牙齒外形夠經典
Alessi的經典之作，以牙齒作為插座設計，夠晒特別，可放四支牙刷，注重生活品味的人士一定不會錯過！
售價：$118(f)
洗手液樽宜重身
「洗手洗手洗手」，這句堪稱為香港十大金句之一的說話，相信你我都聽過。而置於浴室放洗手液的器皿，最好揀選較重身的款式，這可避免樽身太輕，唧梘液時會出現左搖右擺的麻煩。
平實人士最啱
白色長方形牙刷座，論外形可說十分平實，最適合實事求是的人。銀色部份可以掀起，方便倒去積水，夠晒衞生。
售價：$98(c)
鬼馬鴨仔
要選最受歡迎的浴室產品代言人，沖涼鴨仔一定三甲必入。今次佢化身成牙刷座，兩邊翼位還有幾隻在水中浮動的鴨仔，生動有趣。
售價：$70(f)
牙刷連插座
日本人氣豆豆公仔Barbapapa的出品，一個膠製牙刷，連同色同質料的插座，插座更設計成一顆豆豆的模樣，Fans一定不能錯過。
售價：$35(d)
海馬嘴噴梘液
參考海馬外形設計而成的洗手液樽，一對眼夠晒抵死，只要㩒吓佢個頭，洗手液就會由佢個小嘴噴出嚟。除深藍色外，還有黃、粉紅和彩藍三種顏色任擇。
售價：$350(b)
全白易襯色
細細個聽過阿里巴巴的故事，最有印象是那法力無邊的巨人。這個縮水版魔法師洗手液樽，肥嘟嘟可愛到極，全白色易襯家具。
售價：$58(e)
吸盤吸實唔易跌
銀色鋁質的沐浴液樽，最特別是有埋一個同質料，用嚟放梘液的座，背後有埋兩個吸盤，可以吸實牆壁，唔怕無端端跌落地。
售價：$158(f)
優雅雞蛋
第一眼望見就有熟悉感？係唔係覺得佢似……雞蛋呢？3排共12隻的雞蛋，其實是搪瓷製的肥皂架，其中一格可以插一束鮮花，更顯優雅。
售價：$88(f)
噴嘴設計夠方便
Snoopy圖案洗手液樽，特別之處是其噴槍形的噴嘴設計，就算唔做洗手液樽，都可以當噴水壺用。
售價：$39.9(j)
套裝圖案歸一美觀
一般牙刷套裝，會包括牙刷座、漱口杯及洗手液樽，有些甚至會包埋棉花盒、肥皂架等，一Set襯晒，唔會出現一室九唔搭八的情況。
厚身唔易跣
膠質的肥皂碟，非常厚身穩陣，不怕因水多而左右移動。除了勁Sharp的螢光綠外，還有螢光藍色可選。
售價：$220(b)
鑲嵌設計最慳位
浴室地方不多，要搵地方擺放各式各類的沐浴產品已經夠晒頭痛。將肥皂架鑲在牆上，就是慳位的好辦法。這個肥皂架的玻璃托可以替換，幾時想換顏色或花款都無問題。
售價：$125(i)
襯懷舊家品一流
日本出品的牙刷套裝，參照懷舊幾何圖案設計而成，除了圖中的紫黃圓點Pattern，還有紅黃直條及橙綠菱形圖案。
售價：牙刷插$48
漱口杯$38
洗手液樽$58
肥皂碟$35(f)
矽膠最實淨
淨色矽膠製牙刷套裝，非常厚身，即使跌落地也不會爛，相當安全。共有紅、綠、藍、白及橙5種顏色。
售價：長形牙刷座$420
方形牙刷插$280
洗手液樽$700
肥皂碟$195(b)
售賣點
(a)city'super25062888
(b)colourliving22956881
(c)francfranc34273366
(d)JCLadies31022718
(e)Kimihe23122008
(f)OLALA@LCX21101742
(g)Trendyland27449633
(h)宜家31250888
(i)合隆建築28022273
(j)吉之島24128631
女孩子最愛
這套LittleTwinStars套裝，有齊基本裝備，而且樽身用了厚膠製成，樽底有閃粉，搖晃時可產生閃閃星光的效果。
售價：$89(g)
平價實用
一套4件的淨色套裝，勝在價錢便宜，連埋大大個垃圾桶，方便實用。
售價：$29(h)