噚日端午節，最應節梗係食糭同睇龍舟比賽，財爺唐英年都應吓節，去沙田城門河主持沙田龍舟賽嘅頒獎禮。八方見佢一身內地平民輕裝：白色暗間短袖恤衫襯條黑色褲，笑住咁接收公民力量代表嘅請願信。
公民力量負責遞信個位哥仔叫Eric，舊年喺中國華僑大學工商管理學系畢業。廿四歲嘅Eric話舊年曾經搵過五十份工，大部份係文員，但係好多公司唔承認佢個學位，於是失業至今，惟有趁端午節嚟贈興，要求政府發展經濟之餘，大力關注青少年就業問題。
（圖）公民力量噚日去沙田向到場參與龍舟比賽頒獎禮嘅唐英年（左）遞交請願信，要求政府關注青少年就業問題。
曾顯華攝
傳真︰2623-9278
電郵︰