7.1臨近、選舉協調搞到民主派頭都大，不過球迷點都會抽時間留意最近嘅歐國盃。噚日民主黨楊森同單仲偕同記者傾開政黨嘢，話題都扯到足球上。楊森為咗主持電台節目，唔敢通宵睇波，錯過英格蘭對克羅地亞嘅精采賽事，不過第二朝即刻睇番精華片段，單仲偕就校啱時間半夜起身，重開埋畫中畫功能，睇埋同時舉行嘅法國對瑞士。
兩人講番福利政策，話建議過政府畀領失業綜援人士無薪工作，因失業即係失去同社會聯繫，好易失信心。楊森以足球為例，話信心好緊要，好似奧雲踢極唔入波，就係因為信心未回復。
講完波又講溝通，最近民主黨主動約見商會，先發覺雙方缺乏了解，有商會人士竟然問劉慧卿係咪民主黨成員；民主黨一直唔支持最低工資，商會竟然又叫民主黨唔好支持最低工資，真係冇符。
（圖）楊森因為要主持電台節目，唔敢通宵睇波。
傳真︰2623-9278
電郵︰