郭富城、鄭希怡（Yumiko）和陳奕迅（Eason）前晚出席新片《重案黐孖GUN》首映。對於成龍新片《80日環遊世界》票房不理想，Yumiko稱不願作比較，反而大爆Eason有不穿底褲的習慣。
郭富城、鄭希怡和陳奕迅等，前晚在灣仔會展出席新片《重案黐孖GUN》首映，昨日又往銅鑼灣宣傳。
前晚司儀示意Eason等人示範最型仔甫士，他即以手槍指着自己太陽穴說：「我唔係教壞細路，我覺得咁樣最型，唔『立』最靚仔！」Yumiko即取笑他說：「所以佢咪唔着底褲囉！」
曾與成龍傳緋聞的「龍嫂」Yumiko，對於成龍主演的電影《80日環遊世界》票房不理想，她前晚說：「票房可以累積，啲人睇完可能覺得好好都唔出奇。」
記者表示成龍可能已失去吸引力，Yumiko即說：「呢個問題同戲冇關係，今日係宣傳《重》片。」記者表示因《80日》早《重》片一星期上映，Yumiko恍然大悟說：「哦！開始有關係。」記者問她：「唔係一路有關係咩？」Yumiko即說：「講乜嘢？講清楚！」
問Yumiko《重》片可會贏《80日》？她說：「上第一日啫，睇嘢睇遠啲，我冇諗住比較，冇話贏邊部戲，戲收得有好成績就OK。」Yumiko可會欣賞《80日》？她說：「其實我好多戲都會睇。」
城城的影迷前晚不停在場外大叫偶像名字，當時Eason在附近接受一名外籍女記者訪問，他因被騷擾而低聲說：「shutup！」，Eason又對城城說：「Aaron，叫你啲fans靜啲啦！」
採訪：魯萍、史丹 攝影：陳偉權
