重有八日就係7.1，呢個節日由去年開始，經已成為香港人嘅覺醒日好值得年年遊行慶祝吓，中大調查話愈近7.1，愈多人話要上街，八方噚日收到民權黨主席陳啟宗（AlexChan）嘅e-mail，叫大家7.1嗰日下晝兩點半喺維園中央圖書館門前集合，並打出"Wewillelectpeoplewhowillmakeadifference"嘅橫額，中文版本係「我們將選出有為實幹的政治代表」。
其實老董同土共自己心虛啫，呢啲口號可謂全無問題，陳主席（唔係嗰位攞住美國護照成日侮辱人嗰位商人Ronnie）重鬼咁斯文咁話，想藉7.1向國家領導人傳達最誠懇嘅訊息，就係熱切期望中央支持畀香港發展一個民主同開放嘅體制，選出市民認受同埋有能力嘅地方政府領導。
至於民陣亦發e-mail提醒大家，為爭取07/08雙普選遊行，記得着白色衫，帶水帶帽。有人重話喊「還證於民」有乜問題，反正中方真係應該還番個回鄉證畀民主派人士，係唔係？
（圖）民陣發e-mail提醒大家7.1遊行嘅時間地點，重話歡迎自備橫額喎。
傳真︰2623-9278
電郵︰