成日喺電視上面搞笑嘅北野武，前日為下個月播放嘅日本NTV電視台節目《人類史上最厲害的天才莫札特奇蹟的響聲》錄影。喺節目度，北野武扮到成個莫札特嘅樣，用腦電波嘅變化嚟測試莫札特嘅音樂對人體會帶來乜嘢影響，佢又用古典鋼琴彈奏莫札特嘅作品，好鬼抵死。北野武亦不忘呼籲觀眾聽多啲莫札特嘅音樂。