位於金鐘道政府合署低座頂層嘅香港賽馬會藥物資訊天地噚日正式開幕，行政長官董建華喺開幕禮致辭嘅時候話，知道展覽館入面有段片段，係一個媽媽講佢個仔因為吸毒而死嘅故事，董生覺得好感人。
佢話身為人父同埋祖父，「深深體會父母對子女痛愛和焦慮」。
呢個展覽館由馬會慈善信托基金撥款五千幾萬成立，馬會主席夏佳理希望展館可以進一步加強禁毒教育，令年輕人遠離毒品，健康成長。
另外，回歸七周年嘅活動又展開，福建省省長盧展工訪問香港，順便參加福建社團嘅回歸活動，老董喺晚宴致辭大擦福建幫鞋，話福建鄉親愛國愛港，支持特區政府施政，佢會進一步搞閩港合作，為國家統一大業出力。
香港有過百萬福建幫，投得票嘅分分鐘都有幾十萬，老董又係土共左仔選舉總指揮，唔知會唔會乘機搵盧省長幫手同蔡素玉拉票。
（圖）董建華（左五）知道展覽館入面有一個媽媽講述個仔因為吸毒而死嘅故事，覺得好感人。
傳真︰2623-9278
電郵︰