陳奕迅（Eason）與容祖兒昨日一身警服造型，與吳鎮宇、吳日言等參與新戲《神經俠侶》拜神活動，二人在戲中均是飾演軍裝警員，不過Eason就因為一身警服而惹上不少麻煩，更遭一男子指摘他的行為影響警隊形象。
陳奕迅昨日與容祖兒、吳鎮宇和吳日言出席新戲《神經俠侶》拜神活動，近日在灣仔街頭為該片拍外景的Eason，多次被人誤認是真警察，日前他在拍戲時，就遭一名疑是真警員的男子指摘他沒有顧及警隊形象。
Eason說：「有日喺灣仔軍器廠街警察總部附近拍戲，有個男人叫我個Number（警服膊頭上編號），跟住同我講『你知唔知你嘅動作好影響警隊形象？』其實嗰時我只係喺天橋度跳舞，咁我咪問佢係邊位？做乜嘢？但佢又冇證件，又唔答我，我咪話拍戲囉，其實個攝影機咁大部都冇理由睇唔到係拍戲啫！」
Eason自此每次開工亦變得小心翼翼，他說：「嗰次之後，就連食煙都要收埋食，識得避忌，驚會影響警務人員形象。」
至於容祖兒日前在灣仔酒吧區拍攝一場捉賊戲時，亦有途人誤以為真，見義勇為地在臨時演員的腹部加上一腳，嚇得她大叫，祖兒於是立刻向途人解釋他們只是在拍戲，她說：「啲人認唔到我，真係以為我係真警察，又問我條街點去。」
此外，吳鎮宇表示八月會放假和太太去美國旅行，全力「造人」，他說：「我好恨有個女，太太就鍾意仔，𠵱家我哋不設防。」鎮宇又謂稍後將會搞舞台劇，還會有「裸體」表演。
採訪：魯萍
攝影：陳偉權
