男子組合Shine和李彩樺（Rain）等，前晚在無綫將軍澳電視廣播城錄影節目《超級紅人館》，他們更合唱歌曲《勁愛你》。
Shine的黃又南和徐天佑二月時往台灣宣傳，直至上月底才回港，近日二人已開始籌備八月推出的廣東唱片宣傳。
Shine的國語不靈光，在台灣宣傳時鬧出不少笑話，黃又南說：「我試過將『新概念』講成『性概念』，起初我唔知發生乜嘢事，只係見佢哋係咁笑，後來先知，我又將『智慧』講成『自慰』，認真笑話百出。」
阿Rain下月會到美國登台，她說：「到時我會挑戰刺激嘅機動遊戲，我試過喺日本玩笨豬跳，感覺好似跳樓，從此我都唔係好敢玩，等同自殺一樣。其實我以前都有諗過以玩笨豬跳形式結婚，但𠵱家唔會啦。」
採訪：卓寶花 攝影：仇志德