自從政府提出要在西九龍發展大型文娛藝術區後，八方發覺本港地產商好似愈來愈關注文化藝術嘅發展。
恒基地產最近斥資二千萬元，將三位亞洲著名藝術家，包括盛珊珊、安畢研及TetsuoKusama特別設計嘅公眾藝術品製作成展品，安排喺中環國際金融中心二期香港站展覽。噚日，四叔李兆基為呢批藝術品揭幕，重請嚟國金中心另外兩大業主──新鴻基地產嘅郭氏三兄弟及地鐵公司主席錢果豐做嘉賓。
政府剛調升○七年住宅供應預測，加上九鐵又話要推出四個項目招標，傳媒見到四叔、郭氏兄弟同錢果豐，當然唔肯放過佢哋，但由於恒地先係噚日活動嘅主人家，兼且佢哋想藉機會為周六入標嘅西九龍項目解畫，所以做世姪嘅郭氏兄弟非常識做，一早就話唔會回應傳媒提問，地鐵由於無入標西九，所以錢果豐就肯講吓有關地鐵推出地產項目嘅問題。
（圖）四叔李兆基（左）做主人家，郭氏兄弟（右一右二）兩位世姪當然唔搶風頭，錢果豐（左二）亦一定畀面。
傳真︰2623-9278
電郵︰