重量級政界人物頻頻出回憶錄，繼鍾逸傑嘅《石點頭》之後，又輪到李鵬飛，書名叫《風雨三十年》（圖），論盡尤德、衞奕信、鄧蓮如，同埋肥彭，不過滋擾佢嘅中方官員「陳壽三」，就搵勻成本書都唔見有提喎。
鍾逸傑本回憶錄，對肥彭就唔係咁老厲，不過大飛呢一本，就對肥彭推崇備至。因為有一次民主黨對肥彭提出不信任動議，李鵬飛投票反對，嗰一次佢撐肥彭，肥彭事後寫一封親筆信畀佢，大讚佢雖然立場唔同，但能夠以香港利益為大前提嘅，香港好少有阿飛咁大量。肥彭呢封信係親筆書法，有別於一向由秘書打字，佢自己簽名嘅公文，你話幾高章。
飛哥曾經滄海，見識過英國頭等政治家嘅手腕，七年來，又點會將一啲冇厘見識嘅親中小矮人放在眼內，喺立法會回敬曾鈺成一句「你同我唔同級數」，真係力透千鈞，睇吓呢本回憶錄，就明白「李鵬」點解最終都識「飛」嘞。
傳真︰2623-9278
電郵︰