被譽為「國家頂級表演部隊」嘅解放軍總政治部歌舞團，一行四百人噚日抵港，聽晚同後晚喺紅館為香港市民表演歌舞。今次帶團嚟港嘅中國人民解放軍藝術團團長王兆海少將話，歌舞團除咗表演一般具有軍旅特色嘅節目外，今次為咗迎合香港市民嘅口味，實行跪地餵豬乸重特登排練咗《獅子山下》同《東方之珠》兩首歌曲。王兆海又話，中國出到咁「頂級」嘅歌舞團嚟香港表演，只不過喺希望同香港市民一同分享回歸嘅「快樂」，振奮民眾精神同「愛國情懷」，別無任何政治含義喎。
（圖）被譽為頂級藝術家嘅其中三位解放軍歌舞團表演者（左起：宋祖英、彭麗媛及譚晶），將於演出當晚演繹多首本港經典樂曲。
司徒世華攝
傳真︰2623-9278
電郵︰