噚日收到滙豐一本有關其公益活動嘅介紹書，該銀行一向標榜企業社會責任，因此捐獻都唔少，去年喺全球資助各項公益活動嘅總額，接近三億七千萬港元（四千七百萬美元），較前年上升百分之三十四點三，呢條數已經包括收購美國Household後，對方捐出嘅約九千萬元。
近年高舉大中華市場嘅滙豐，透過滙豐銀行慈善基金，喺香港及內地資助嘅項目亦自然不少，當中梗唔少得去年嘅對抗SARS行動，該行喺中港嘅捐款分別為二百萬及一百二十五萬大元。
滙豐集團去年純利急升近四成，至六百八十三億元，以增幅計，捐獻都算與純利同步增長，但按比率計，只佔集團純利零點五個巴仙，八方希望滙控今年賺多啲之餘，捐獻比率亦提高，咁就更多人受惠。
傳真︰2623-9278
電郵︰