劉浩龍昨日於商台舉行「叱咤樂壇新紮舊人劉浩龍」新碟發布會，其好友謝霆鋒及師妹董敏莉均有到場支持。劉浩龍於音樂會上亦有演唱好友何韻詩、梁漢文等人的歌曲，當他唱至許志安的《一步一生》時更忍不住落淚，事後他卻笑言：「我邊有喊呀，只不過今日天氣太熱我流好多汗咋，好開心今日終於有屬於自己嘅舞台，同埋我喊嘅時候都唔敢望住台下嘅媽咪同妹妹。」
當問劉浩龍為何不邀請好友何韻詩到場欣賞時，他表示：「今日係我嘅活動，唔好講呢啲嘢住，其實我好多好朋友今日都有嘢做，不過我唱咗佢哋嘅歌，已經當佢哋喺台度陪住我。」
劉浩龍更笑說由於音樂會於戶外舉行，霆鋒才會出現，他說：「佢呢排練大隻呀，呢啲室外地方先可以騷到佢一身奔騰嘅肌肉，總之佢嚟睇，我好開心。」
採訪、攝影：李珮洳