許冠傑（Sam）本月底的個唱門票今日公開發售，但昨日一位八十歲婆婆已準備通宵排隊，阿Sam得悉後即送她三張個唱門票，好讓婆婆早點回家。而阿Sam還找人製造十二呎高雕像，準備個唱時擺放在紅館外。
許冠傑的復出個唱反應空前熱烈，繼完成今個月十場個唱後，阿Sam又會於本月三十日至下月五日，以及八月四日至十三日再開合共十六場演唱會。而阿Sam本月底的個唱門票今日公開發售，昨紅館售票處已有十多名fans準備排通宵，其中一位八十歲婆婆說：「陣間啲後生會嚟接更，我冇咁多錢睇，都係買平票。」
而阿Sam昨晚獲悉老婆婆通宵排隊買票後，即找丘亞葵親到紅館送三張四百元門票給她，然後着老婆婆早點回家休息。丘亞葵說：「阿婆排隊想買三張一百蚊嘅飛，阿Sam知道之後好感動，叫我即刻送三張貴飛畀佢，現場fans不但冇呷醋，重為婆婆拍手歡呼。」
另外，阿Sam已找人製造一個十二呎高雕像，準備在本月底個唱時擺放在紅館外。恆藝亞洲負責人丘亞葵說：「呢個雕像造型係阿Sam演唱中着紅白藍衫嘅造型，我哋今次花十幾萬造雕像，又會以呢個雕像造型製造二十萬個細公仔派畀觀眾，不過相信趕唔切喺月底演唱會時送畀觀眾，最快都要到八月先送得。」
除擺放雕像外，在本月底個唱中又將加入模特兒出身的嘉賓Annabelle，屆時除了陪伴阿Sam獻唱《心裏日記》外，更會在後日拍攝的《心裏日記》MV中任女角。而昨日是父親節，但阿Sam仍為個唱和MV等工作開會。
採訪、攝影：戴彩煥、卓美娟
