《蘋果日報》噚日慶祝創報九周年，一切如常。因為要就報館同事嘅上下班時間，人事部上個星期五喺公司搞咗個超夜嘅晚宴，而台灣《蘋果》就送嚟道賀大花籃，互相激勵一下。新聞處處長蔡瑩璧亦有來函祝賀。
《蘋果》九五年創刊，距離回歸只有兩年，大家都以為係最大挑戰，勢估唔到平平安安過咗九七，到咗呢一兩年，先係最大考驗。
壹傳媒創辦人肥佬黎報慶冇出現，但係之前佢曾經向同事形容，𠵱家香港正處於大時代，《蘋果》一於唔使驚，亦冇得驚，認為係啱就照做，實行以不變應萬變，被人杯葛亦唔會係永遠嘅，況且創刊一年嘅《台蘋》走勢甚佳，賣得唔錯。眾員工聽到老黎咁有信心，大家更加老定。八方記得《蘋果》創刊日嘅社論，報紙定位寫得好清楚，就係做一份香港人嘅報紙。
傳真︰2623-9278
電郵︰