民主女神余若薇，無端端俾大嚿陳偉業鬧佢哋班大狀跨區爭食，空降去九東搞亂檔，其實事件未成熟，最後都分分鐘冇件事。
文章見報後，大嚿自己打電話嚟澄清，第一，佢話自己係面對面同余小姐講，唔係打電話；第二，佢話自己不嬲聲大大，唔係鬧人，希望余小姐唔好誤會；第三，佢無任歡迎大狀空降新西，等嗰度嘅選情更激烈，谷高投票率。
咁又係，大聲並唔代表惡，大嚿講得咁友善，大概余小姐都會受寵若驚。其實今次選舉，民主派都算有晒天時地利，民建聯猛咁送票，如果泛民主派今次都大勝唔到，即是自己內部分裂不和，咪賴祖國迫害咯。
傳真︰2623-9278
電郵︰