名模歐陽妙芝、蔣怡和Rosemary等昨日為婚紗節行騷，即將成為新娘子的歐陽妙芝行騷時特別投入，她透露男友以一束膠花求婚，暗示兩人感情永不凋謝，她感動得立即應承。
馬會前主席李福深的媳婦李夏美茜（Michelle）昨日在灣仔君悅酒店舉行第二屆weddingfair，同場更舉行上海灘、劉玉蓮和DorianHo等多個品牌婚紗、晚裝騷，由名模Rosemary、歐陽妙芝、周汶錡（Kathy）和蔣怡等演繹。
將於年尾結婚的妙芝示範各式婚紗，她表示近日行婚紗騷特別用心，她說：「近兩個星期先開始準備，我行騷都順便睇埋頭飾、配飾，結婚真係好似搞一個大event咁，𠵱家夜晚瞓覺都會諗住。」
妙芝更透露男友求婚的浪漫過程，她說：「係相識一周年嗰時求婚，佢送咗一束膠花畀我，我都好奇怪，佢話呢束係永不凋謝嘅花，將來就放喺我哋屋企，代表永恒不變嘅感情，我好感動，咪應承囉！」
而Kathy剛為婚紗書自峇里拍照回港，她曬得一身古銅色，她說：「今次曬到甩晒皮，好似結咗一次婚咁，好開心，希望將來都可以有咁好嘅婚禮。」
Kathy更透露邀請到特別男嘉賓演出，加上性感靚相，她說：「總之，效果會係『嘩』一聲啦！」問她可有拍拖？她即說：「有呀，同本書拍拖囉，日日見住㖭！」
採訪：JessicaNgan
攝影：EdwardChou
