荷李活性感女神安琪蓮娜祖莉（AngelinaJolie）連日嚟出席聯合國嘅活動，前日佢又去到西班牙嘅巴塞隆拿，出席一年一度嘅Nansen難民頒獎禮記者會。原來呢個獎係由聯合國難民公署頒發，佢哋每年都會揀一啲喺難民同人權問題上有傑出貢獻嘅人或機構表揚，身為難民公署大使嘅安琪蓮娜自然要一早到場。