香港人重記唔記得于燕平？係嘞，佢唔係大陸自由行嘅一位團友，佢係兩年前搞到流香港血嘅曾司長扯晒火嗰位御廚于師傅嘞。于師傅自從發炮大揭當奴陰私，三年來，于師傅往事並不如煙。佢話自從同煲呔打咗場勞資糾紛官司之後，一直冇好日子過，喺炮台山開嘅私房菜最後都執埋。
今年于師傅去咗希臘同匈牙利闖蕩，炒咗半年唐菜，發覺嗰度啲中國餐館好唔掂，將大陸佬作風移植歐洲，居然將人客食剩嘅餸菜拎入廚房翻炒，扮晒新鮮正菜侍奉另一枱客，雖然將傳統中國人節儉嘅美德弘揚海外，但就未免將啲歐洲人，當係中國嘅野狗。于師傅頂唔順，決定返港，現在人浮於事，于師傅近日喺報紙賣廣告求職，佢話人工要求唔高，但求兩餐溫飽就滿足喎。
（圖）于師傅話人工要求唔高，只求兩餐溫飽咋。
傳真︰2623-9278
電郵︰