霍震霆與兒子霍啟剛、霍啟山昨日下午三時，在中環置地廣場的CafeLandmark歎下午茶慶祝父親節，三父子茶敍時有講有笑，氣氛溫馨。不過離開時，霍啟剛發現記者採訪，即時木口木面，並致電友人投訴，又叮囑胞弟霍啟山不要理睬記者，其後更躲入Fendi店內。
霍啟山拿着Celine紙袋，問他是否買禮送女友，他笑而不語。霍震霆則表示兒子早已送上父親節禮物，問到何解太太朱玲玲沒有一同慶祝？他說：「三個咪得囉。」
此外，江欣燕與江欣慈昨日與父親在金鐘夏宮食午飯，更相約夫婿吳積遜父親、八十二歲的老爺一齊慶祝，江欣燕說：「兩個老竇都送咗Dragoni師傅親手做嘅糭做禮物，今日就大家一齊飲茶慶祝。」
而郭炳江與友人午膳，問他如何過父親節，他說：「啲細路寫咗兩封信同一張卡畀我，我會好好保留儲起佢，等將來佢哋大個咗可以睇番。」
採訪、攝影：梁錦雯、顏英儀
