冇緋聞冇是非自認理智
悶蛋陳慧琳

出身富裕兼接受過良好教育的陳慧琳（Kelly），在娛樂圈迅速竄紅，可謂集萬千寵愛在一身。形象健康的Kelly除了拍拖逾十年的男友Alex外，從未與其他男士傳緋聞，平時絕少應酬的她只喜歡在家中看書和上網打機，十分悶蛋。

事業篇：進軍影壇一嚿雲
最近陳慧琳身體虛弱了不少，主要是因工作太忙，沒時間休息，對此她無奈地說：「冇辦法，除咗成日要返內地做嘢，又要顧住香港市場，好似張唱片下個月要出，我𠵱家都重未錄好，今日我唔係咁舒服，一樣要出嚟做訪問。好多人話我今時今日都無慾無求，做乜要捱得咁辛苦？可能係一份工作上嘅滿足感啦！公司又養咗咁多人，我都要睇住佢哋。」

向杜琪峯偷師
最近Kelly主演了杜琪峯執導的電影《大事件》，早前應邀到康城影展觀摩，戲中Kelly飾演一位個性剛強的女警，她說：「拍《無間道III》前我對做戲冇乜概念，唔知點去演繹一個角色，都幾一嚿雲，後來喺美國請個先生教我，自己先開始慢慢有啲概念，明白要多觀察同做調查。拍阿杜嘅《大事件》，因為佢係一個好識教演員做戲嘅導演，我至慢慢掌握到做戲嘅竅門。」
大眾均認為Kelly去年開始在樂壇似乎沉寂下來，原來她幾乎每星期均返內地𢱑銀。Kelly發展內地市場除為演藝事業外，其實她準備發展另一新事業，她說：「我以前喺美國係讀設計，而我爹哋係開珠寶店，我好想幫屋企做啲嘢。」
撰文：陳月媚
攝影：仇志德
協力：何國豪
場地提供：TheMarcoPoloHongKongHotel