今天是父親節，前晚不少名人出席社交活動時也被問到如何慶祝父親節，同為卡地亞派對座上客的邱李茂琪及賭王何鴻燊四姨太梁安琪，均表示子女們都DIY禮物給父親。
邱李茂琪前晚說：「個仔間學校教佢用廁紙筒做咗個筆筒畀爹哋囉。」四姨太梁安琪被問到今天會否和賭王慶祝時，她說：「未知呀，何生咁忙，不過啲仔女就自製咗禮物畀佢，我睇過啦，一嚿嘢咁，都唔知係乜。」
此外，昨日本報致電賭王女兒何超儀，問她心目中父親何鴻燊是嚴父還是慈父？她說：「佢絕對係一個『腍善』爸爸，好似添布頓電影《大魚奇緣》嗰個爸爸咁，鍾意講啲令人歡樂嘅笑話。」
超儀續說：「咁多年我哋幾兄妹送畀佢嘅父親節禮物，無論係親手畫嘅卡，或者係好貴嘅禮物，其實都唔知佢鍾唔鍾意、用唔用得着，到𠵱家都係一個謎。」
採訪：DebbieLum、MichelleLeung
攝影：RickyChan
