麥兜套《菠蘿油王子》下個星期上畫，都係時候0ut走0ut咗嘅「豬腩肉」！
肚仔豬腩成因主要係水腫、食得多、郁動少、排不出、姿勢不良等等等等；好彩要Out走佢亦有好多方法，只要你企啱、坐啱、食啱都可以幫到手！重唔快啲揀番一招半式，幫你一日減啲一日又減啲，趕走呢個大包袱！
記者：李玉蘭
攝影：伍慶泉
化妝及髮型：Iris、Olivia（SoImage 電話：81112891）
ImageGirl：YoYo（RichStrategyLtd.）
鳴謝：香港特區中醫院（28061992）、CaliforniaFitness（25225229）、天使纖體水療中心（24782233）、潤澤（25290766）
閉門收身勝在私底下進行，可以減少同伴壓力！而且原來坐吓、企吓，零消費就可從此挺胸收腹做人！
專業模特兒或舞蹈員都無咩腩肉，其中一個原因係佢哋時刻保持最佳坐及站姿；這有助拉直大肚皮及肌肉，趕走肚腩。
1.想像頭頂正中央有一條線，沿身體中線，將整個人拉長拉直。
2.嘴角與頸窩（後腦到頸部之間凹陷處）成水平線。
3.下巴不要內縮，和地面成平衡。
4.胸部忌緊繃。
5.向上挺直背部，肩胛骨自然伸展。
6.緊縮腹部。
7.臀部向內收緊。
8.放鬆膝蓋，向前兩腿緊緊靠攏。
1.嘴角與頸窩成水平。
2.臉部朝前，下巴與地面成平衡。
3.腰部輕輕向前頂，成緩和弧度，同時感到身體整條脊骨拉長拉直。
4.重點：事先集中意識抑制骨盆擴張、緊縮臀部後才坐下。
5.兩膝、兩腿及雙腳掌緊緊合攏。
小貼士
只要不時提自己保持最佳姿勢，不但可趕走肚仔，重可以減少暴飲暴食。
依圖示打圈按摩；每日做32下，就可以加快腸的蠕動，排走宿便。
小貼士
腹病、肝硬化、孕婦不宜。
拉長身體，將手肘放上FitBall，利用腹部向內捲，令全身支撐約15至30秒不動；只要一日一次，一、兩個月內會見效。
小貼士
FitBall約售四、五百元，一般器械運動舖有售。腰骨有毛病者不宜。
除了SitUp外，想收肚還有好多小運動可以做。以下2式收肚小運動，每日至少做16下，令腰肚上下、左右及四周活動，達致全方位減肚！
小貼士
宜早上做，因為運動之後，肌肉會處於興奮狀態，若在晚上做後，覺覺豬時身體會繼續吸收，可能引致肥胖。
如果你試過多種方法，又肯定身體沒有毛病，仍發現肚腩仔在當眼位橫行，可能反映你日常壓力大，令皮質醇影響肚腩積聚所致；建議多聽音樂令身心放鬆。
小貼士
不時照鏡，由鏡中表情可反映你嘅身心狀況。
有人傍住，或多或少都有精神上支持同鼓舞作用；所以不論係搵醫師、教練幫手、又或蹺埋雙手做機，都可以事半功倍！
專業認可醫師使用針灸方法，於胃經的中脘、關元、中樞等穴位施針，令你可於安靜環境中減肚。每周約做兩次，每次半小時即可；不出一個月就見成效。
小貼士
孕婦、急性病不宜。（香港特區中醫院診金加半小時針灸共$240）
先經醫師診斷，找出致肥成因，再於耳上相關穴位施針；每隔兩、三日更換一次新針，令耳針可以作長期刺激；大約一個月見效。
小貼士
平時不時揉按耳上短針，可以加快刺激，促進成效。（香港特區中醫院每半小時耳穴連診金$160）
初次借助器械幫忙要循序漸進，可以先考慮AbsCrunch；方法是躺下後手肘貼實手柄，以手借力，令上半身提起約20度。可以早晚各做45至60下；因為頗高難度，待適應時，慢慢增加次數。
小貼士
腰病不宜；此外，如運動後翌日身體感到十分疼痛，代表運動過量或用錯力，宜向專業認可教練查詢。（CaliforniaFitness入會費$0-$2,498及月費$398-$568）
歐纖通係奧運指定物理治療機，有20種唔同脈衝波段，有分解脂肪、纖體緊膚功效；只要安躺床上，讓美容師將墊放上肚仔，就可以達到收身、結實效果。
小貼士
孕婦不宜。（天使纖體水療中心每35分鐘$360）
斷食法看似簡單：透過飲用清水或果樹汁，施行減食、斷食、復食三個過程，進行一至十天的療程讓內臟完全休息，藉此排走身體毒素，以及腸臟間陳年宿便和藥物殘渣，肚腩自然順帶消失得無影無蹤。
小貼士
初次進行者宜在專業人士指導下，因應個人體質，進行斷食。（潤澤的斷食療程：$890）
肚腩減得咁辛苦，但又怕餓了肚皮，不妨向以下食物埋手。
食以下蔬果，可以保持身體GoodFit：西梅、香蕉有助通大便，但寒底少食！西芹可以降血壓，但低血壓者少食！檸檬、山楂可以消脂，但胃痛者少食。
綠茶偏涼，多少有減肥作用，所以可以在飯前先來一杯，令大便更加通暢！另可以在綠茶加入玫瑰花，不但增加口感，更可暢通氣血！小貼士係寒底或腸胃麻麻的不宜飲用綠茶！
