有云「新不如舊」，以此去形容北角城市花園，絕對正確，只講間隔一環，戶戶四正，實用率至少八成四，最高近九成，與近年落成一眾後輩新樓比較，已經贏九條街。再者，屋苑的地點，也非一般新區新樓可比，小巴、巴士、電車、地鐵近在咫尺，附近社區配套完備，而臨海的地利，令維港海景特別開闊。居住條件樣樣煞食，無怪乎雙十年華，仍然有價有市。
城市花園單位種類選擇多，由六百餘至逾千四呎，一共有九大類，以三房為主，見使好用。雖然若干六七百只得兩房，但內櫳夠大，可自行間成三個房，迎合不同家庭所需。
其中7至10座F室，七百餘呎，位置突出，擁覽會展至鯉魚門180度全海景，屬細碼樓王。八百餘呎，數量最多，分布1至3座、12及13座，成交較為活躍。
此外，11座D室，近千四呎，為全屋苑唯一複式，盤源最矜貴，放盤極之罕有，上次成交遠在去年底，作價680萬元，每呎4885元。區內代理說，屋苑鮮有自製相連戶出現，曾有買家購入1座低層D及E室，自行打通，但其後淪為銀主盤，銀主最終再分拆售出。
記者：溫潤潔
攝影：馬泉崇
