星展銀行中國區行長梁甜昭打滾銀行界30年，做過好多部門，先後有企業銀行、財資部、投資銀行同私人銀行，都係當時最「潮」嘅生意。佢又做過花旗銀行，當時有段時間重係前財爺阿松嘅部下。
梁甜昭話，成日轉，都係因為鍾意試新嘢。有幾鍾意？佢話有一次跟住朋友，去上海巨鹿路805號食飯。外表好普通嘅建築物，石屎嘅牆上，有一個洞，入去有一道樓梯，一路行上去轉彎，左右各有一道門，正面就有九個有明亮燈光嘅窿。
你如果想開門，就要伸手入其中一個洞摸吓，如果摸啱，右門打開，你就可以入去食飯，如果唔啱，左邊道大門就會打開，見到……你自己，因為有面鏡對住你嘛。咁古怪都去試，認真鍾意新意思。佢話，嗰度個廁所重「搞嘢」，不過保持神秘感，叫大家自己去試吓。
傳真︰2623-9278
電郵︰