不想被迫變「光頭仔」，染髮、暴曬、極速減肥統統可免則免。樂壇男子組合Sky五名年輕成員曾因為接拍廣告，連續數天漂髮，令頭皮「五勞七傷」，先是潘卓楠的頭皮被「乸」至流血，繼而是嚴嘉駿出事，「嗰次漂完之後，唔知點解成日覺得個頭好痕，成日𢱑、𢱑損晒個頭皮，之後睇醫生搽藥膏同食藥就無事。」
二十四歲藝人李泳漢，八年前染髮時被染料接觸到頭皮，開始了脫髮的噩夢，「當晚洗頭已經一『咋咋』咁甩落嚟。」經過兩年「休養」，泳漢暫停了脫髮，卻因誤服減肥藥令髮絲再次捨他而去，但他毫不察覺，直至別人提醒才知驚，「係幫我梳頭嗰個人話叫我搞吓佢（處理脫髮問題），佢話見到我啲頭肉。」
早前因拍劇而剃光頭的藝人周浚偉，在內地連續數天日曬雨淋，頭皮竟「一塊塊甩落嚟」，耳後更不斷脫皮，但他坦言沒做任何補救措施。
本報記者