講起小小超檔電訊盈科，可能有好多人話唔係好知呢間公司𠵱家想點，尤其係傳佢哋想賣埋固網業務。但其實佢哋都唔係不務正業，好似旗下負責祖國業務嘅優創Unihub咁，做到生意之餘，重可以令老細威威，只不過比較低調冇同人講啫。
例如早前佢哋幫政府搞智能身份證，揮低十幾個對手贏咗個獎；前幾日數碼港又贏咗個二○○四年IntelligentBuildingoftheYear（國際智能建築獎）。優創掌舵人蕭漢華博士話，佢哋有份負責科技及電訊（IT&T）系統設計、建設、同埋網絡營運，數碼港商業及住宅樓宇兩部份，佢哋都有參與，所以咪關佢事囉。唔知道小小超會唔會請班手足慶功呢？
（圖）左起：陳文遠、顏金施同優創掌舵人蕭漢華齊齊攞獎。
傳真︰2623-9278
電郵︰