繼欣宜一出牽起全城效應之後，噚日又有減肥新星登場──尊貴嘅立法會議員馮檢基。阿基參加咗「3S醫學體控計劃」之後，成功喺三個月內勁減廿磅，由百七磅減到百五磅，腰圍由四十吋減到三十三吋，體內脂肪唔見咗26%。
最令阿基自豪嘅係佢個頂心頂肺，累到佢着親西裝都扣唔晒三粒鈕嘅巨型豬腩肉，好似老董嘅八萬五政策咁，突然「不存在」。鬼咁風騷嘅阿基噚日重主動除咗件褸，喺鏡頭面前大晒身材。阿基嘅減肥方法主要係喺醫生指導下，做下運動、控制食量、食吓排油丸咁。佢話以前半個鐘最多只可以跑六個籃球場，家陣半粒鐘跑足廿四個圈都冇問題喎。
（圖）阿基減肥後，見記者時重除咗件褸大晒佢迷人嘅身段。
傳真︰2623-9278
電郵︰