宣萱日前於一超市內，為其代言的健康產品拍攝宣傳片，當日超市內的肉檔斬肉聲及菲傭叫聲此起彼落，屢次影響現場收音，而在場還有一名小男孩以望遠鏡昅宣萱，相當惹笑。
宣萱日前與張美妮拍攝由她代言的健康產品「淺山之家」的廣告片，當日她在杏花村一超級市場內拍攝，不過因超市內不時有市民推車購物，菲傭遠遠見到宣萱時又大聲叫嚷，加上超市內的肉檔不斷傳出斬肉聲，影響現場收音，導演和工作人員單是請在場人士靜一靜，亦幾乎嗌到氣咳。
宣萱當日穿上一件白恤衫及黑西褲，以OL造型拍攝介紹產品的片段，其間吸引市民圍觀，有名小男孩搞笑地拿起一個望遠鏡遙昅宣萱，還頻頻跑來跑去爭取有利位置湊熱鬧。
事後問宣萱會否覺得拍攝時受到噪音滋擾？她即笑說：「OK啦，實有啲㗎啦，始終係公眾地方，有好多人要買嘢，我只係諗唔到買肉嘅人咁多，要恭喜間超級市場，佢啲豬肉好賣，成日都『砰砰嘭嘭』斬唔停。」
宣萱表示閒來也會逛超市，她說：「我好鍾意行超市，有時啲貨品減價，會入多啲貨，都幾師奶㗎！」
採訪、攝影：朱倬誼
