「太太通常十一點左右上床，我就十一點半先瞓，總之自己執生啦……吼佢瞓咗先瞓，特登做嘢做到好夜。」五十三歲的文員陳先生（假名），兩年前發現無法順利勃起，起初懷疑只是「偶然失手」，觀察半年後發現「唔得」的次數愈來愈多，感到無比壓力。
陳先生本身沒有患上糖尿病或其他心血管病，卻有二十年「吸煙經驗」，日吸四分之一包香煙。他形容自己「愈勃唔起愈心急，愈心急愈勃唔起」，其後經私家醫生轉介到公立醫院求診，但醫院所施的真空吸管方法對他並不奏效，令他十分沮喪，但從沒相告妻子。「我哋（發生性行為）嘅頻率比較疏，太太唔係好需要，就唔察覺。」
「覺得滿足唔到配偶，履行唔到責任！」三個月前陳先生轉往廣華醫院求診，醫生指他的血管阻塞，陰莖的海綿體壞死，服用處方藥物終能「重振雄風」。
「𠵱家輕鬆好多，以前真係好煩。」陳先生現時會在性行為前一小時服藥，妻子未有察覺他的轉變。
本報記者