姜皓文（黑仔）和太太金慧英在尖沙嘴搞樓上食肆「唐樓」，只做會員生意，黑仔更是鎮店之廚，原來他向來對飲食有研究，而店內的所有菜式和醬料，都是他特別炮製，只此一家。
姜皓文和金慧英夫妻檔進軍飲食業，兩人在尖沙嘴金巴利道開設樓上舖「唐樓」，姜皓文表示該處不是食店，亦不算是私房菜，而是一些對飲食有要求的朋友，三五知己一起分享飲食文化，而黑仔就是該店的鎮店之廚。
店內約二十個座位，會員大多是朋友介紹，有興趣的食客則可以電話預約。黑仔說：「我一直都好鍾意煮嘢食，以前成日招呼朋友去西貢屋企食飯，因為路途太遠，啲朋友經常提議我喺出面搵個地方搞食肆，我諗諗吓都係好主意，咁啱有一個喺五星級酒店嘅大廚亦有興趣一齊搞，所以我哋合作搞咗呢間店，呢度所有嘅菜式同醬汁調味都係我哋創出嚟嘅，其他地方食唔到㗎！」
現時店舖的晚餐菜單有十三道菜，有日式、西式和印尼式，一次過試盡不同口味，包括有生蠔、螺、棒棒雞、肉眼扒、澳洲羊扒等，吃一餐如此豐盛的晚飯要付出三百八十大元。
黑仔自言並非放棄娛樂圈的工作，入廚只是他的興趣，如果碰上要開工，就會由太座金慧英入廚，問他太太手藝如何，黑仔笑說：「跟我大師傅學得多，梗係有番咁上吓啦！」
