滙豐銀行今年新請嘅廣告公司幾厲害，八方唔講，中環讀者都一定知，因為佢喺中環地鐵站個超大型廣告，將整個中環站月台，布置到好似花園咁，宣傳滙豐一站式金融服務。
如果讀者有經過，不妨留意每個站擺放咗唔同花種。滙豐亞太區個人理財業務總經理方兆德同八方講，每種花代表一種服務：百合花代表完善配搭，代表滙豐度身訂做嘅個人貸款；玫瑰就代表愛情，但都要小心小風波，所以代表保險；蘭花、康乃馨就分別代表信用卡同按揭服務。重有竹，就係投資服務，實行再創高峯咁話。至於方兆德自己最鍾意乜嘢花呢？答案係洋紫荊。八方估計一定係代表我愛香港。據聞，呢個廣告花費，總計要數百萬元。
傳真︰2623-9278
電郵︰