自由黨主席田北俊，噚日招呼記者去自由黨個五千呎富貴新總部，話日後會喺新界東、新界西廣設辦事處，要「將基層帶入自由黨，將自由黨帶入基層」咁話。
近日民主派同老董行埋，田少噚日爆料話老董都有約佢，但佢認為雙方「冇乜好傾」。有個「臭口商人」近排成日亂噏廿四，田少話雖然自由黨係以工商界主導嘅政黨，但亦唔認同部份商人言論，佢哋好歡迎所有港人留港，共創美好將來。
自由黨位於中環衡怡大廈個新總部又大又靚，田少透露呎租都係十幾蚊，新總部有個民調中心同可以坐成百人嘅會議室，梁劉柔芬重話記者得閒可以上去吹吹水，第日可能會定期搞自由茶敍㖭。
（圖）左起：張宇人、劉健儀、田北俊、周梁淑怡及梁劉柔芬慶祝自由黨搬新黨部，大展拳腳，飲得杯落。
傳真︰2623-9278
電郵︰