唔知大家從甚麼途徑認識薰衣草？從港產浪漫電影？從著名文學家彼得梅爾的《山居歲月》（AyearinProvence）？從香滿盈室的香薰油？由現在開始到8月尾，就係法國南部亞維儂薰衣草盛放嘅季節，想一睹漫山遍野的薰衣草，最方便最慳錢最好玩嘅方法就係自己揸車四處遊！
記者：吳嘉怡
鳴謝：法國政府旅遊局
薰衣草之鄉在何處？日本富良野！答得唔錯，不過唔係好啱！真正的薰衣草的故鄉在法國南部的普羅旺斯（Provence），普羅旺斯的歷史可追溯至14世紀，當時羅馬教皇就搬離羅馬，居於普羅旺斯的亞維儂（Avignon），而且這裏曾出了7位教皇統領世界的天主教，所以世界聞名；論這裏環境最特色之處，是每年的6-8月間，城外郊區是漫山遍野的薰衣草，加上這裏地中海式氣候特性，這段時間例必晴空萬里，一片蔚藍，藍天、紫地，有乜辦法唔成為度假勝地！
照正路，巴黎去亞維儂當然最便捷當然係搭TGV，以火車作往返啦！唔講大家可能唔知RailEurope最近新出了一個叫「FranceRail'nDrive」的Package，2日法國境內火車任搭、2日租車，都係港元$2,025；比起逐樣買固然平得多，就算相對當地的LocalTour，都重要平上一大截！
FranceRail'nDrive：1位成年人購買火車證及租車Package。(法國境內2日任坐火車，及2日任用租車)
價錢：美金$249＋手續費美金$10（共港元$2,025）
查詢網址：
小評：好處是遊訪亞維儂夠自由，事關薰衣草多種在山區地方，好多靚境地方都在城外公車都唔到，自己揸車去玩當然睇多好多嘢啦！唯一麻煩處，就是一定要有國際車牌。
上網Book
1.先選定你所需要的人數及車款。
2.確定所需行車日數、租車日數等有否增加或減少。
3.確定資料輸入正確無誤。
4.由於所租車輛，不超過美金$250，須收取美金$10作為手續費。
車券內容
＊1個月內2次（每次1日）租賃私家車無限里數行駛
＊1個月2日法國境內火車任搭（頭等火車證）
＊6款不同車類提供，其中5款為棍波，1款為自動波
＊當地稅項已包括在租車之內
＊特別旅遊優惠
特別旅遊優惠
＊歐洲之星（Eurostar）特價優惠
＊以半價優惠乘搭BateauxParisiens遊覽塞納河
＊以半價優惠乘座鐵路從尼斯到迪湼（Digne）
a.TGV巴黎至亞維儂來回火車票
價錢：美金$102（往）＋美金$102（返）＋手續費美金$15＋預訂費用美金$7（共港元$1,767）
查詢網址：
b.亞維儂2日租車服務
價錢：歐羅88.75/每日（二日共港元$1,669）
查詢網址：
（火車票＋租車：合共港元$3,436，與套票比較相差港元$1,411）
小評：價錢比起火車租車套票貴咗港元$1,411，不過所得服務完全一樣。
a.TGV巴黎至亞維農來回火車票
價錢：美金$102（往）＋美金$102（返）＋手續費美金$15＋預訂費用美金$7（共港元$1,767）
查詢網址：
b.亞維儂LocalTour
一日遊（6小時）價錢：逢星期一至五：歐羅208（約港元$1,955)；逢星期日及公眾假期：歐羅315（約港元$2,961）
半天遊（3小時）價錢：逢星期一至五：歐羅116（約港元$1,090)；逢星期日及公眾假期：歐羅170（約港元$1,598）
（火車票＋最平的LocalTour：共港元$2,857，與套票比較相差港元$1,090）
小評：就以最平的一程往返火車，再加半天閒日LocalTour，真係閒閒哋都要$2,857，而且LocalTour大部份時間都集中火力在亞維儂市中心的古迹景點及購物區，想多啲時間睇薰衣草都好難！而好處是適合冇國際車牌人士，都可以方方便便周圍去。
OfficedeTourisme：
地址：41,coursJeanJauresBP8
84004Avignoncedex1
電話：33(0)432743272
傳真：33(0)490853597
e-mail：
網址：
創始於1947年的亞維儂藝術節，當時巴黎國立民眾劇院的導演尚‧維拉（JeanVilar）被邀請到亞維儂來擔任導演工作，自此後，維拉將亞維儂經營為全法國、全世界表演藝術重鎮，1963年後開放其他領域的藝術團體加入藝術節之後，使得這個藝術節逐漸成為每一年的世界劇壇盛事。
由現在開始，是去法國亞維儂睇薰衣草的旺季，機票價錢會特別貴；而且由於香港直飛亞維儂的航機只有法航一間（$6,800），建議選擇改飛巴黎，航空公司選擇多，鬥價情況亦更見激烈，就以海灣航空為例，網上來回機票訂購價只是$4,000，兩者差額足有$2,800，用嚟搭TGV特快火車（來回共車費合共港元$1,762），重可以慳成千蚊！
既然租得車四處去睇薰衣草，當然唔好錯過普羅旺斯最熱鬧的城市──亞維儂的旅遊景點啦！呢度除咗有出名的建築物、跳蚤市場，重有好多唔同特色嘅博物館，除咗欣賞薰衣草，揸車去埋附近嘅名勝古迹睇睇，一定令你對亞維儂有多一重的喜愛！
出門提一提：
簽證：持BNO或CI須簽證，持特區護照免簽證，查詢電話：31966100（法國領事館）
貨幣：1歐羅約兌9.4港元，1美元約兌7.82港元
參考資料截至6月16日。