近期韜光養晦嘅金管局總裁任志剛，噚日應邀為銀行學會午餐會演講。眾賓架自然捧場支持，萬豪個functionroom一時間座無虛設，滙豐行政總裁邵銘高、恒生大班鄭海泉、東亞執董陳棋昌等紛紛現身，銀行公會主席王冬勝則擔任主持。
演講不嬲都有一手嘅任總，先回顧上次為銀行學會演講，係○一年十月廿四日，九一一發生冇耐，香港經濟一片蕭條，樓市失業率負資產冇樣掂。佢話當時已經預測最壞時間尚未到來，猶幸今次演講，已否極泰來，市面興旺。
任總篇講詞內容不乏值得細嚼之處，不過唔知係時間緊迫抑或另有玄機，任總演講完之後就散場，大會冇發問時間，賓架捉到鹿都脫唔到角，可惜可惜。
傳真︰2623-9278
電郵︰