好多人都知保安局局長李少光嘅乖仔李恩霖係藝員，希望做到周星馳接班人。八方噚日收到一個住喺沙田大圍嘅朋友報料，話李恩霖日前喺大圍開咗間「勝利」影碟店，間影碟店開幕嗰日，李少光重喺間舖度坐鎮，幫個乖仔打點。
八方嘅朋友早幾日入過間舖頭睇過，發現呢間影碟店唔會租碟，只係齋賣碟，佢話雖然舖面唔算大，但一般流行嘅影碟都好齊，全部正版，李恩霖重好好招呼㖭。八方諗如果李Sir一得閒就去舖頭坐吓，一定成為生招牌，保安局長親自賣影碟喎，分分鐘着套牛記笠記，咁街坊嘅親民場面，殖民地時代幾何有。
傳真︰2623-9278
電郵︰