大熊貓都有得認養？
人稱鏵哥嘅澳首何厚鏵行為夠創意，噚日佢喺澳門舉行嘅「四川──澳門合作發展周」活動上正式簽署認養文件，兼為呢兩隻八月中至滿一歲嘅孖生熊貓兄妹改名，大哥叫做「柏柏」，妹妹叫做「美美」。
鏵哥話，認養大熊貓有助鞏固四川同澳門嘅「合作關係」，在場嘅四川省長張中偉當然十分受落，因為佢正率領一個龐大代表團喺濠江訪問招商。「柏柏」同「美美」目前住喺四川嘅中國保護大熊貓研究中心嘅大熊貓幼兒園。香港同澳門，本來亦係一對熊貓，可惜近年一隻奄奄一息兼生滋，另一隻毛色轉靚，我哋阿董捱到熊貓咁眼，可惜條命苦啲。
（圖）鏵哥認養熊貓呢招既表現愛心，又愛國，公關工作似乎做得好過我哋嘅董伯伯。
傳真︰2623-9278
電郵︰